Комбинирани намотки „Славјанка“

Револуција на полето на електромотори

За технологијата на комбинирани намотки „Славјанка“

Технологијата на комбинирани намотки „Славјанка“ може да се примени на повеќето типови и видови на електрични ротациони машини, и на еднофазни и на трофазни. Во својата класична верзија, овие мотори се дизајнирани или со „ѕвезда“ или со „делта“ намотка.

Карактеристично за „Славјанка“ е комбинирањето на два вида намотки во еден електромотор. „Ѕвезда“ и „Делта“ се комбинираат паралелно со поместување од 30 електрични степени на добиените вектори на електромагнетна индукција.

Комбинираните намотки беа наречени „Славјанка“. Моторите со ваков вид намотки имаат уникатни карактеристики на перформансата и ги надминуваат сите конкуренти достапни на глобалниот пазар.

Повеќе за технологијата — на веб-страницата на „Совелмаш“.

Предности на електромоторите со „Славјанка“

Податоците се засновани на резултатите од спроведените тестирања

Заштеда на енергија до 40%

Намалување на трошоците за производство

Сигурност (сервис фактор 2,5)

Зголемување на почетниот вртежен момент

Намалување на стартните струи

Намалување на бучава и вибрации за 1,5-2 пати

Опсег на примена

Електромоторите со технологијата „Славјанка“ се признати на различни полиња

Електрични велосипеди
Електрични мопеди
Електрични мотоцикли
Електрични автомобили
Јавен превоз
Електрични локомотиви

Машински алати
Опрема за кревање
Пумпи
Вентилација
Опрема за кранови
Производствени ленти

Ветерници
Хидроелектрични централи
Термоелектрични централи
Нуклеарни централи
Мобилни единици за производство на електрична енергија
Индустрија на обновливи извори на енергија

Фрижидери
Машини за перење
Правосмукалки
Машина за садови
Вентилатори
Микробранова печка

Земјоделска опрема и машинерија
Градежна опрема и машинерија
Медицинска опрема
Бродови, јахти, моторни чамци
Воена опрема
Воздухопловство

Патенти

Полноважноста на сите документи може да се провери во официјални извори на следниов линк the link

Студии на електромотори со „Славјанка“

Ефикасноста на технологијата беше потврдена со независни тестирања

Технологијата „Славјанка“ ја докажа својата ефикасност во текот на тестирањата кои беа спроведени во разни прилики од експерти од повеќе научни институции и индустриски претпријатија. Резултатите од тестирањата на индукциските електромотори со комбинирани намотки дополнети со официјални извештаи од тестирањата се прикажани во овој дел.

Универзитетот во Дизелдорф, 2016 год.

Компаративни тестирања на индустриски мотор за општа намена премотан со примена на технологијата „Славјанка“. Универзитетот во Дизелдорф

Независни тестирања на индустриските мотори за општа намена беа спроведени во Вишото училиште на Универзитетот во Дизелдорф.

Задачата беше да се тестира оригиналниот мотор, потоа да се премота со примена на технологијата „Славјанка“, да се тестира модернизираниот мотор и да се споредат резултатите.

За тестирањата беше обезбеден мотор со 7,5 kW. Тестовите покажаа дека по модернизирањето со технологијата „Славјанка“, тој: — имаше за 30% поголем вртежен момент, — трошеше до 30% помалку електрична енергија.

Извештајот од тестирањата може да го видите овде — https://clck.ru/G7VX9
Универзитетот во Болоња, септември 2013 год.

Компаративни тестирања на мотор премотан со „Славјанка“. Универзитетот во Болоња, септември 2013 год.

Задачата при тестирањето беше да се изработи мотор за електрична количка со комбинирани намотки заснован на технологијата „Славјанка“, и да се спроведат компаративни тестирања во однос на стандардниот мотор.

Стандардниот мотор направен специјално за количкатата тежеше 54 kg и имаше бакарен ротор. За тестирање на технологијата „Славјанка“ беше избран индустриски мотор за општа намена со тежина од 27 kg и со алуминиумски ротор.

Карактеристики на перформансите: 4-поларен мотор AEG, 3 kW со величина 100, со ефикасност од 86% и класа на енергетска ефикасност IE2. При тестирањата беше користен регулатор развиен на универзитетот, кој беше во совршена синхронизација со моторот премотан со примена на технологијата на Дујунов.

Тестовите беа спроведени во три различни режими: • номинален 135 A, • 270 A, • 350 A.

Како резултат на тоа, модифицираниот мотор заостана за 1 kW од номиналната моќност и 1 kW од максималната моќност. Претходниот мотор за електрични колички достигна моќност од 20 kW при 350 ампери, за разлика од моторот со комбинирани намотки кој постигна моќност од 19 kW.

Имаше разлики и во вредностите на ефикасноста: електричниот мотор за колички —91%, модифицираниот индустриски мотор за општа намена со „Славјанка“ — 89%.

Виктор Арестов, кој ги спроведуваше тестирањата, призна дека не беше баш добар изборот на мотори за тестирање. За да се постигнат планираните резултати, наместо мотор со величина 100, требаше да се избере мотор со величина 112 и со поголема моќност од 4 kW.

Сепак, треба да се земе предвид дека едниот мотор беше двапати потежок, а специјалниот мотор за електрични колички имаше бакарен ротор, додека модифицираниот мотор имаше алуминиумски (ако алуминиумскиот ротор се замени со бакарен, ефикасноста може да се зголеми за 2-3%).

Истовремено, моторот со комбинирани намотки кој тежеше 27 килограми покажа речиси исти перформанси како посебно дизајнираниот оригинален мотор кој тежеше 54 килограми!

Извештајот од тестирањата може да го видите овде — https://clck.ru/GQgTM
Универзитетот во Белгород, 2016 год.

Компаративни тестови на индукциски електромотори. Универзитетот во Белгород, 2016 год.

Државниот технолошки универзитет во Белгород беше домаќин на компаративните тестирања на два индукциски електромотора AIR 71V4.

Целта на постапката беше проверка на наведените перформанси на моторот AIR 71V4, кој беше модернизиран со примена на технологијата „Славјанка“, во споредба со сличен фабрички произведен мотор со стандардна трофазна намотка.

Во текот на тестирањата, кај модифицираниот мотор беше забележано пониско ниво на бучава и на температурата на загревање. Тестовите покажаа значајно подобрување на перформансите кај модифицираниот електромотор речиси во сите режими на работење, како и зголемена ефикасност при поширок распон на оптоварувања.

Заклучокот беше дека, во процесот на реална работа, моторот со комбинирани намотки ќе овозможи значајно намалување на потрошувачката на енергија од 14 до 20%. Најголема заштеда може да се постигне во режими на работа на електромотор со помало оптоварување од номиналното. Освен тоа, со намалувањето на стартните и номиналните струи, намалувањето на работната температура на намотката на статорот, како и намалувањето на внатрешните вибрации на проводникот во лежиштето на статорот значајно ќе се намали брзината на абење на изолаторот кај проводникот.

Истражувачите ја препорачаа технологијата „Славјанка“ за поправка на индукциските електромотори во индустриските претпријатија за да се постигне значајна заштеда на енергија.

Извештајот од тестирањето е достапен овде https://drive.google.com/file/d/1e6RKjKRkJq28NUDDz8i216c6ES_5HbIB/view
Каменоломот кај Белград, 2015 год.

Тестирање на мотор со „Славјанка“. Белград, 7 октомври 2015 год.

Целта на тестирањата беше да се утврди како се променија перформансите на електромоторот откако традиционалното намотување беше заменето со комбинирана намотка „ѕвезда-триаголник“.

Српската компанија ДОО „Савиан“ доби за модернизација индукциски електромотор од 15 kW со изгорена намотка. Моторот бил користен во каменолом. Сопственикот на моторот, компанијата ДОО „Куево“, нарача целосна поправка што вклучуваше и промена на видот на намотување.

Како резултат на примената на технологијата за заштеда на енергија „Славјанка“, перформансите на модернизираниот мотор ги претрпеа следните промени.

Номиналната моќност се зголеми од 15 kW на 19 kW, односно порасна за 26,6%.

Пред поправката не беше утврдена струја на празен од, бидејќи моторот не работеше. Според сертификатот на моторот, вредноста била 27 A, а по модернизацијата се намали на 13,4 A.

Спроведените тестови графички ја покажаа енергетската ефикасност на технологијата „Славјанка“. Техничкиот директор на ДОО „Куево“ ја потврди функционалната сигурност на модернизираниот мотор.

Може да го видите извештајот од тестирањето овде https://drive.google.com/drive/u/0/folders/1H5tQwSIQX9siP_J_-t9zf6bCMGaQ9Nq5?ths=true
Руска фабрика, јули 2016 год.

Тестирања на модернизиран мотор за одводна пумпа. Русија, јули 2016 год.

Инженерите во руската фабрика го модернизираа индукцискиот електромотор 5AI160M2U2 со моќност од 18,5 kW вграден во одводна пумпа. При поправката, старата истрошена намотка беше отстранета со горење, а моторот беше премотан со примена на патентираната технологија „Славјанка“.

Целта на тестирањата беше да се утврдат промените во карактеристиките на перформансите на моторот по неговото модифицирање.

Пред да се преправи, моторот 5AI160M2 беше дизајниран да работи под напон од 660V, а по модернизирањето се напојуваше со електрична енергија од мрежа со 380V. Под напон од 500V во лабораториски услови, струјата на празен од се намали во просек за 12% (од 27,3 A на 24,0 A). Кога работи на 380 V, струјата на празен од е е намалена за 3%, а под оптоварување — за 2%.

По премотувањето на моторот, продуктивноста на пумпата се зголеми (траењето на циклусот на работа на пумпата се намали за 39 секунди). Како резултат на тоа, времето потребно за работа на моторот се намали за 8%. Вкупната заштеда на енергија за едно уклучување на моторот изнесуваше 12%. Потрошувачката на енергија за испумпување на резервоарот пред премотувањето изнесуваше 2,573 kW, а по премотувањето се намали на 2,3368 kW. Имаше 10% заштеда.

Резултатите од тестирањето ја потврдија ефикасноста на технологијата со комбинирани намотки „Славјанка“.

Извештаите од тестирањата и објаснувањата за нив се достапни овде https://drive.google.com/drive/u/0/folders/1a1fglrN6zxjGJ1b7o3DLrUbMPJgn13PJ?ths=true
Метро на Санкт Петерсбург, октомври 2015 год.

Тестирања на моторот модернизиран со примена на технологијата „Славјанка“. Метро во Санкт Петерсбург, октомври 2015 год.

На барање на одделот за производствена технологија на Метрото во Санкт Петерсбург, работниците од електромеханичкиот сервис модернизирале неисправен електромотор на вентилациска единица во моќен систем за тунелска вентилација со примена на енергетско штедливата технологија „Славјанка“.

Целта на тестирањата беше да се утврдат промените во карактеристиките на перформансите на моторот по неговото модифицирање.

Тип на поправениот електромотор произведен во 1975 год. — 5AM280S8Y3. Неговата моќност пред да се расипе била 55 kW, струјата — 108 A, брзината — 740 вртежи во минута, напонот — 380 V.

По поправката, експерименталниот мотор беше инсталиран во V-1 единица. Како резултат од тестирањата, комисијата ги утврди следниве карактеристики на перформансите на модернизираните мотори со намотки „Славјанка“: работната струја изнесуваше 48 A; стартната струја изнесуваше до 359 A.

Тестирањата потврдија дека со модернизирање на електромоторите со примена на технологијата на Дујунов се зголеми нивната енергетска ефикасност.

Документ што го појаснува текот и резултатите од тестирањата е достапен овде https://drive.google.com/drive/u/0/folders/1ful8GH2DhtwOOA8p2cGIc3J3OxRrXRkd?ths=true
Руска фабрика произведва вентилациски системи, 2016 год.

Компаративни тестирања на електромотори. Фабрика за производство на вентилациски системи, Русија, октомври 2016 год.

Целта на тестирањата е да се споредат перформансите на два индукциски електромотора AIR80A4 со тип на намотки „Ѕвезда“ и „Делта“.

Резултатите од тестирањето на модернизираниот мотор со комбинирани намотки во споредба со обичен мотор покажаа намалување на потрошената моќност на моторот поради речиси целосно отсуство на реактивна компонента.

Како резултат на примената на технологијата за заштеда на енергија „Славјанка“, перформансите кај моторите
се променија на следниов начин:
— факторот на моќност се зголеми од 0,77 на 0,99;
— со зголемување на оптоварувањето на оската, потрошената енергија се зголеми од 1,1 на 2,23 kW;
— максималната температура на рамката на моторот „Славјанка“ изнесуваше 74°С
со дозволената температура за топлинска отпорност на изолацијата на намотките од класа „F“ од 105°С.

Регистрираната моќност од 2,2 kW на модернизираниот мотор е номинална за мотори од сличен тип со 4 пара полови и должина на оската на ротација од 90 mm, т.е. следната на скалата на величини.

Извештај од тестирањата може да најдете овде https://drive.google.com/file/d/1ImngEFWJFqXGn_FZh2rvYCgemDfrve_S/view
Лабораторија на „Совелмаш“, Зеленоград, 2019 год.

Тестирање на електромоторите DA-90S и DA-100S. Лабораторија на „Совелмаш“, Зеленоград, 2019 год.

Во лабораторијата на „Совелмаш“ беа спроведени пробни тестирања на моторите кои беа модернизирани во AS & PP Weihai: DA-90S и DA-100S L (издолжени)

Целта на тестирањата беше да се потврдат наведените перформанси на електромоторите.

Тестирањата дадоа очекувано добри резултати.

И двата мотора покажаа ефикасност до 90% во номинален режим, а во широк распон на вртежниот момент ефикасноста беше 85-88%. Моторите успешно издржаа долготрајни преоптоварувања до 60 N·m.

Извештај од тестирањето на мотор DA-90S — https://clck.ru/FVG4q
Универзитетот во Дизелдорф, 2016 год.

Компаративни тестирања на мотор Siemens модернизиран со примена на технологијата „Славјанка“. Универзитетот во Дизелдорф, јануари 2016

Тестирањето беше спроведено во лабораторијата во Дизелдорф, а ја нарача компанијата „SPBEK“ од Санкт Петерсбург

Целта на тестовите беше да се види како намотките „Славјанка“ ќе влијаат врз перформансите на моторите кои ги произведува една позната компанија. За премотување беа одбрани електромоторите на Siemens: оригиналниот мотор и премотаниот со примена на на технологијата за комбинирани намотки.

Во текот на тестирањата, другиот мотор покажа поголема ефикасност во целиот дијапазон. Тестот покажа дека дури и мотори со почетно добра ефикасност можат да бидат подобрени ако стандардните намотки се заменат со комбинирани.

Извештај од тестирањата може да најдете овде https://drive.google.com/file/d/1qBVDfIh_8Ehh2H65T8SLchvhZOW44OFC/view

Прикажи повеќе

Практична примена на технологијата „Славјанка“

Технологијата успешно се применува од 1995 год.

KAMAZ со модернизиран генератор

KAMAZ со модернизиран генератор

Летото 2017 год., беше премотан генераторот на „KAMAZ“ на спортскиот тим „KAMAZ-Master“ со примена на технологијата „Славјанка“. Со премотувањето, моќноста на генераторот се зголеми за речиси 30%.

Модернизираниот „KAMAZ“ со тимот на Антон Шибалов учествуваше во релито Дакар во 2017 год. во Јужна Америка на рутата Парагвај-Боливија-Аргентина.

Тимот на „KAMAZ-Master“ беше задоволен од подобрувањето, и подоцна беа премотани и генераторите на другите автомобили за релито Дакар во 2018 год.!

Освен тоа, беше одлучено технологијата „Славјанка“ да се примени на моторот на брисачите на шофершајбната на тркачките KAMAZ автомобили.

Генераторите "KAMAZ-Master" беа модернизирани од компанијата ДОО „Electrocomplex“, која е носител на лиценца на ДОО "ASiPP".
Електричен автомобил „ZAZ“

Електричен автомобил ZAZ-966 со мотор на Дујунов

ААвтомобиль Запорожец был оснащен двигателем, модернизированным по технологии «Славянка», специально для марафона электромобилей «Киев — Монте-Карло» в 2015 году.

Во Одеса, основачите на проектот „Екофактор“ целосно го модернизираа автомобилот за три седмици така што ги заменија внатрешните делови оставајќи ја недопрена само каросеријата.

Во трката, тимот од Одеса помина низ 10 земји и пропатува растојание од речиси 3.000 километри. Во една делница од рутата, ЗАЗ успеа да го претрка електричниот автомобил Тесла. На рутата немаше никакви проблеми со електричниот автомобил, освен некои ситни недостатоци кои брзо беа отстранети.

„Запорожец“ беше петти од сите автомобили што пристигна на целта, и втор од модернизираните електрични автомобили. Електричниот автомобил од Одеса исто така ја доби наградата „Избор на народот“. Освен тоа, ЗАЗ го привлече вниманието на самиот основач на трката, принцот Алберт од Монако, кој го истакна навистина автентичниот надворешен изглед на украинскиот автомобил.

Промотивно видео за модернизацијата на ZAZ — https://www.youtube.com/watch?v=m8uGFK2H-H8&t=40s
Рударска електрична локомотива „Era“

Рударска електрична локомотива Era

Електричната локомотива „Ера“ е возило кое служи за превоз на товар во рудници, на пруги со тесен колосек.

Во 2013 год. во Донецк, на локомотивата „Ера“ ѝ беше ставен мотор со величина 112 модернизиран со примена на технологијата „Славјанка“ наместо нејзиниот фабрички мотор DRT-13, а и беше додаден и регулатор Сurtis.

Во текот на тестирањата, рударската електрична локомотива ги покажа следниве перформанси: влечеше 11 вагонетки со јаглен, за разлика од претходната што можеше да влече 5, брзината изнесуваше 12 km/h на рамно и 7 km/h на угорнина, при превозот на 100 тони јаглен, моторот не се прегреа иако товарот беше двојно поголем.

Иновациите на Дујунов двојно ја зголемија работната продуктивност на рударите во Донецк, но и значително ја намалија потрошувачката на енергија. Стручњаците исто така забележаа значително намалување на високите хармоници и реактивните компоненти во електроенергетските мрежи за широка потрошувачка од кои се напојуваат тракциските трафостаници.
„Tavria“ со мотор на Дујунов

Tavria со мотор на Дујунов

Во 2014 год., Игор Кокхов, жител на областа Белгород, модернизираше индустриски мотор за општа намена со величина 100, така што го премота користејќи ја технологијата „Славјанка“. Како резултат на тоа, моќноста на моторот се зголеми за 10 пати во споредба со неговата релативно мала тежина од 29 килограми.

Пред модернизацијата, моќноста на моторот изнесуваше 4 kW, а потоа се зголеми на 12-13 kW, до максимум од 50 kW.

„Игор Коркхов го опреми автомобилот Tavria со модернизиран мотор. Тешкиот автомобил тргна прилично моќно и во прва и во трета брзина, a возењето беше многу тивко. Најголемата брзина што ја постигна изнесуваше 110 km/h, а едно полнење на батеријата беше доволно да помине растојание од 100 km.“

Игор Коркхов почна да го модернизира автомобилот Tavria уште во почетокот на 2000 год. Автомобилот веќе беше опремен со електромотор, но инженерот не беше задоволен со брзината, која не беше поголема од 50 km/h. Затоа најпрвин ја опреми Tavria со американски колекторски електромотор, а потоа и со мотор со комбинирани намотки надополнет со регулатор Curtis.

Tavria е сè уште во употреба денес, и веќе е со својот нов сопственик. А Игор Коркхов сега е член на тимот на Дујунов и работи во „Совелмаш“ во Зеленоград.

Видео за Tavria на Life News — https://www.youtube.com/watch?v=RhPMZyUspeI
Тролејбус во Киев

Тролејбус во Киев

Во 2014 год., во просториите на „KyivPasTrans“ во Киев, беше тестиран тролејбус со мотор кој беше модернизиран со примена на технологијата „Славјанка“.

Модифицираниот погон ја зголеми брзината на тролејбусот и ја намали неговата потрошувачка на енергија. Проектот беше прекинат поради неповолните околности во Украина.
Citroёn со мотор на Дујунов

Citroёn со мотор на Дујунов

Во 2017 год., Виктор Арестов, кој му е партнер на Дмитриј Дујунов, инсталираше во Германија мотор премотан според технологијата „Славјанка“ во еден стар електричен автомобил на Citroën.

Модернизираниот електричен автомобил ги воодушеви присутните со брзиот старт од состојба на мирување, брзото возење и лесното управување. Едно полнење на батеријата на автомобилот е доволно за еден час.

Перформанси на Citroën откако беше модернизиран моторот:

Тежина — 750 kg
Батерија — 14 kWh
Регулатор Curtis 1238 96 V
Просечна потрошувачка на батеријата — 9,6 kWh на 100 km
Потрошувачка во градска средина — 7,2 kWh на 100 km
Растојание со едно полнење на батеријата — до 180 km
Најголема брзина — 130 km/h

Резултат од модернизирањето на електромоторот со примена на технологијата „Славјанка“ за возило Citroën беше значајно подобрување на главните обележја на перформансите.

Видео од Виктор Арестов кој работи на модернизирање на електричен автомобил https://www.youtube.com/watch?v=RDdM2bclpKg&t=5s

Една од репортажите за Citroën во Германија https://www.youtube.com/watch?v=WtVqu0rLADw
Камионет Denzel Pickman

Камионет Denzel Pickman

Електричниот автомобил Pickman е возило со носивост до 500 кг. Се користи за кратки патувања на помали растојанија: во земјоделието, туризмот или производството.

Во септември 2017 год., камионетот беше опремен со електромотор модернизиран со технологијата „Славјанка“, со помала величина и тежина од стандардниот мотор. Благодарение на новиот мотор:

се зголеми брзината на возилото; се зголеми векот на траење на батеријата.

Подоцна, Denzel Pickman беше опремен со помоќни мотори со комбинирани намотки, модернизирани од ASPP Weihai со помош на технологијата „Славјанка“.

Во 2018 год., камионетот беше тестиран со мотор DA-90S.

Во 2019 год. — со мотор DA-100S и нова литиумска батерија (84 Ah) наместо оловна (100 Ah). Со нив, електричниот автомобил ги покажа следниве перформанси:

брзина — 65 km/h, растојание додека не се испразни — 100 km со просечна брзина од 50 km/h.

Видео од тестирањата на Pickman — https://www.youtube.com/watch?v=dLcZMtuVOjI&t=9s
Електричен скутер Irbis Grace со мотор за тркало со величина 318

Електричен скутер Irbis Grace со мотор за тркало со величина 318

Скутерот Irbis беше модернизиран во 2016 год. Ова возило беше опремено со еден од првите прототипни модели развиени од Дујунов, мотор за тркало со величина 318. Освен тоа, беше заменет задниот лост, а системот за управување беше опремен со рачка за регенеративно кочење. Сите електрични и контролни системи на електричниот скутер останаа со своите оригинални фабрички поставки.

Првите пробни возења покажаа дека Irbis може полесно да се управува, побрзо тргнува и постигнува извонредна брзина. При едно пробно возење по селски пат, скутерот успеа да постигне брзина од 70 km/h.

Кулминација на тестовите: Irbis Grace ја помрдна Niva (1.500 kg) од состојба на мирување и ја влечеше, покажувајќи ја својата моќ и издржливост.

Видео во кое Евгениј Дујунов зборува за скутерот Irbis Grace со мотор за тркало со величина 318 — https://www.youtube.com/watch?v=WH3vAeIRElE&t=39s
Електричен автомобил Renault Kangoo

Електричен автомобил Renault Kangoo

Во 2015 година, Виктор Арестов — член на тимот на Дујунов — ја искористи технологијата „Славјанка“ за да го премота моторот на Renault Kangoo чиј електричен мотор лесно се прегревал. Како резултат на тоа, моторот престана да се прегрева и растојанието што можеше да го помине електричниот автомобил се зголеми за 20%.

Подоцна, една уште подобрена верзија на Renault Kangoo учествуваше на 7 изложби во Монако и на југот на Франција, и ги воодушеви посетителите и стручњаците со: забрзување од мирување во трета или четврта брзина и возење низ планински предел во четврта брзина“.

Перформанси на Renault E-Kangoo:

Тежина на автомобилот: 1.560 kg
Регулатор: Curtis 1238-7601 650 A
Батерии: 33 x WINSTON WB-LYP200AHA 3,2 V (33 x 3.2 V x 200 AHA = 21,120 kWH)
Мотор „Славјанка“: величина 112, тежина 60 kg
Моќност: max 57 kW (ограничен регулатор); номинална: 35 kW
Брзина на моторот: до 9.000 (регулаторот Curtis ограничен до 8.000 вртежи во минута)
Максимална брзина: до 150 km/h
Максимално растојание: до 210 km со 50 km/h
Потрошувачка при 50 km/h: 5,7-6,2 kWh; при 80 km/h: 12,7 kW (4x4 погон на сите тркала)
Забрзување 0-100 km/h: 14 sec.“

Овој електричен автомобил е во возна состојба до ден-денес, и е подобар од истиот вид автомобили на Renault и на Citroёn.

Renault Kangoo во акција — https://www.youtube.com/watch?v=6bgLduo-xWs&t=1s
Електричен автомобил Renault Twizy

Електричен автомобил Renault Twizy

Оригиналниот мотор на електричниот автомобил Renault Twizy беше премотан според технологијата „Славјанка“ во 2017 год. во Германија.

Тестирањето на Twizy започна со застарена батерија стара 5 години која, сепак, не го спречи подобрувањето на перформансите на возилото.

По модернизацијата, електричниот автомобил можеше да се пофали со следниве подобрувања на перформансите:

— поминатото растојание се зголеми за повеќе од 20%,
— моќноста на моторот се зголеми до 18 kW,
— моторот не се прегреа и остана само малку топол.

Електричниот автомобил беше претставен на изложбите EVER и Top Mark во Монако во април 2017 год. Присутните беа восхитени од неговото слободно маневрирање во сообраќајот и од големото растојание што можеше да го помине.

Денес, Twizy се чува во „Совелмаш“ во Зеленоград и чека на понатамошно подобрување на своите карактеристики. Планирано е овој електичен автомобил да се опреми со нова батерија тешка само 60 кг. (неместо старата Li-Phosphate која тежеше 120 кг.) која ќе биде до двапати поголема јачина од претходната.
Електричен автомобил Zetta

Електричен автомобил Zetta

Една од високопрофилните иновации со мотор за тркало Дујунов беше Zetta.

Zetta (порано - El-Panda) беше претставенa за првпат во септември 2017 год. на изложба во Улјановск, каде што беше забележана од претседателот на Русија.

Во дизајнот на електричен автомобил беа користени мотори за тркало со величина 318, со максимална моќност од 18,1 kW, со вртежен момент од околу 200 Nm. Вкупно, моторите за тркало развиваат моќност од 72,4 kW (98 hp) и вртежен момент од 800 Nm.

Секој мотор си има свој регулатор, и затоа електричниот автомобил може да користи погон на сите четири тркала, и погон на предните или на задните тркала. Регулаторите се меѓусебно синхронизирани со вртежниот момент, што придонесува за квалитетот на патувањето.

Li-ion батерииte Zetta имаат капацитет од 10 kW*h, и даваат доволно енергија за да се поминат 200 km без повторно да се полнат. Во меѓувреме, трошат 40 W*h на километар.

Дизајнот на шасијата е универзален, што значи дека на него може да се стават најразлични каросерии.

Интервју на Евгениј Дујунов за Zetta — https://www.youtube.com/watch?v=z0RYgIYIzOc&t=1s

Презентација на Zetta — https://www.youtube.com/watch?v=V8GnFw87bAk&t=5s
Мотор за тркало величина 186

Мотор за тркало величина 186

Првиот индукциски мотор за тркало во светот е една од најпопуларните иновации на тимот на Дмитриј Дујунов. Овој мотор се вградува во тркала на електрични возила, како што се велосипеди, скутери, мотоцикли или автомобили. Моторот за тркало ја користи технологијата на комбинирани намотки „Славјанка“.

Аналози на моторот за тркало на Дујунов се BLDC-моторите со магнети. За нивното производство се потребни ретки метали од земјата кои само Кина може да ги обезбеди во потребната количина. Имајќи ја предвид сè поголемата популарност на електричниот превоз низ целиот свет, индукцискиот мотор не е само аналог, туку е потполно функционална, поефикасна и попристапна замена за кинеските BLDC-мотори.

Работата на моторот за тркало со величина 186 („Kolobok“) започна на 4 февруари, 2015 год. Во почетокот беше дизајниран за скутер-инвалидска количка: опрема што им овозможува побрз превоз на лица со инвалидитети. Подоцна, „Kolobok“ со величина 186 беше испробан на велосипед.

Моторот за тркало не се прегрева, поднесува надворешни удари, отпорен е на вода, прашина и нечистотии, а возилата што се опремени со него се движат многу брзо.

Перформанси на моторот:

тежина — 8 kg, максимална ефикасност — 94 %, максимална брзина на велосипедот со мотор за тркало — 101 km/h, почетен вртежен момент при стартување — 52 Nm, вртежен момент — 200 Nm максимален вртежен момент — 76 Nm најголема моќност — 20 kW,

Моторот за тркало на Дујунов се одликува со издржливост и долг век на траење, трошоците за неговото производство се 30% пониски, а поевтин е и за одржување. Возила со моторот за тркала можат да поминат многу поголема километража.

Подоцна беше дизајниран мотор за тркало со величина 318 кој тежи 18 кг. Величините 186 и 318 се најмалата и најголемата, тимот на Дујунов работи на средната величина. Во текот на тестирањето и работењето, моторите за тркало беа испробани на различни велосипеди: „Gran“, „Versiya“, El Moto, Denzel Sparta, Denzel Escort
Аголна брусилка

Аголна брусилка

инженерите на „Совелмаш“ ја модернизираа аголната брусилка UShM 230/2100M така што ја опремија со индукциски краткоспоен погон дизајниран со примена на технологијата за комбинирани намотки.

Потоа лабораторијата „Совелмаш“ спроведе компаративни тестови на перформанси за стандардните и модифицираните машини. Тестовите покажаа дека аголната брусилка со моторот на Дујунов работи многу подобро. Тоа јасно можеше да се забележи во ротацијата, во нивото на бучава и во квалитетот на сечењето.

Освен тоа, беа воочени следниве особености:

— брзината при празен од на класичната аголна брусилка е поголема отколку кај аголната брусилка со индукциски погон, но под оптоварување не постои никаква разлика меѓу нив; — моделот „Славјанка“ има многу помалку составни делови што придонесува за побрзо сечење и зголемување на векот на траење на аголната брусилка; — тежината и нивото на бучава кај аголната брусилка со индукциски погон се помали отколку кај нејзините конкуренти.

Подобрените перформанси на аголната брусилка со „Славјанка“ ја зголемуваат продуктивноста и полесно се ракува со неа.

Дмитриј Дујунов за развојот на специјализиран индукциски погон наменет за електрични алати — https://youtu.be/ltLRWSdZBIo

Компаративните тестирања на аголната брусилка со „Славјанка“ и класичната аголна брусилка може да ги погледнете овде — https://youtu.be/oiavBAL9OXo

Прикажи повеќе

Мало производство

Купете мотори со „Славјанка“ за од прва рака да ја искусите ефикасноста на иновацијата

Малосериско производство на мотори реализирано со примена на потенцијалот за модернизација на стандардните електромотори со замена на класичните со комбинирани намотки се спроведува во ASPP Weihai. Ова претпријатие работи во Кина по лиценца која ја издава ДОО "ASiPP". Компанијата произведува разни модификации на влечни мотори за електрични возила.