Андреј Лобов зборуваше за технологијата и за проектот пред студентите и професорите на универзитетот Сан Маркос
На 25 мај, во рамките на посетата на делегацијата на SOLARGROUP на Латинска Америка, технологијата „Славјанка“ беше претставена на најстариот универзитет во регионот и најпрестижната високообразовна институција во Перу — Државниот универзитет Сан Маркос.
Андреј Лобов, раководителот на производственото претпријатие „Ресурс“, им се обрати на професорите, на деканот на универзитетот и на студентите по инженерство. Тој им ги покажа електромоторите со комбинирани намотки произведени од ASPP Weihai, како и моторот за чамец заснован на технологијата „Славјанка“ кој го донесе од Русија. Овие мотори ќе останат во претставништвото на SOLARGROUP во Лима, и секој што сака ќе може подетално да ги разгледа во иднина.
Андреј Лобов зборуваше за предностите и за практичната примена на технологијата во возилата, како и за проектот во целина. Присутните можеа да слушнат на кои превозни средства ќе можат да се користат моторите засновани на „Славјанка“ во нивната земја. Пред сè, беа спомнати возилата тук-тук и чамците. Технологијата овозможува користење на електричен превоз:
• во градовите за да се намали буката и загадувањето на воздухот,
• во заштитените подрачја каде што се забранети возила кои користат бензин,
• и на големи надморски височини, каде што возилата кои имаат мотори со внатрешно согорување можат да работат само со прекини.
Присутните ја примија со голем интерес делегацијата од Русија и новите информации. Беа поставени многу прашања во врска со технологијата.
Благодарение на оваа средба, технологијата „Славјанка“ и компанијата „Совелмаш“ им беа претставени на научната инженерска заедница на Перу и на идните инженери, кои ќе можат да ја применат и да ја промовираат технологијата во својата земја — како во државните и образовните институции, така и во бизнисот.
Гледајте го видеото во кое Андреј Лобов ги споделува своите впечатоци од настанот.