Цепелините NOVA-01 и NOVA-2: подготовка за првиот лет и изработка на гондолата
Нешто повеќе за проектот.
Тимот на „АЕРОНОВА“ продолжува постепено да се подготвува за лансирањето и за тестирањето на цепелинот NOVA-01.
Следниве работи беа приклучени и тестирани:
• Компјутерот на цепелинот
• Системот за напојување со енергија
• Ротирачка греда и главните потисни мотори
• Опашката и единиците за потисок
Сите главни системи се поврзани, ставени во функција и во тек се завршните приспособувања. Моментално ги довршуваме елементите што сѐ уште недостасуваат, и ја подготвуваме инсталацијата на мрежата од сензори кои ќе собираат параметри при летањето — брзина, притисок, температура и други важни податоци.
Претходно направивме проверка на школката:
• беше проценета непропустливоста и цврстината,
• беше извршена почетна монтажа на склоповите, на прицврстувачите и на коморите.
Сѐ беше во склад со цртежите и пресметките: компонентите беа прецизно склопени, можеме да ги пуштиме во функција електрониката и системите за управување.
Истовремено ги усогласуваме со управата на аеродромот датумите и деталите за тестирањата, како и за првиот лет. Наскоро ќе ви соопштиме повеќе информации!
Во тек е работата на гондолата на цепелинот NOVA-2.
Одржавме подолга средба на која присуствуваа водечки инженери и проектантите во проектот. Беа присутни и главните изведувачи за изработка на пресметките и идејните решенија за гондолата.
Се дискутираше за следниве работи:
• технички пристапи,
• логика за поставување на јазлите,
• материјали и процедури за монтажа.
Во непосредните планови е изготвување на работен модел, кој ќе овозможи визуелизација на целокупната конструкција, на техничките решенија и на внатрешните комунални мрежи.
Работата се извршува сигурно, чекор по чекор и со учество на најдобри стручњаци!
