Функцијата подготовка за акционирање сега е достапна за нова категорија инвеститори
При крајот на април, покренавме функција во бек-офисот што ќе им овозможи на инвеститорите во иднина да добијат акции во компанијата „Совелмаш“. Во почетокот таа беше достапна само за членовите на Клуб 100. Можноста да поднесат барање за акционирање сега е достапна и за членовите на Клуб 1000!
Подоцна оваа функција ќе биде овозможена за руските корисници, а потоа и за сите други инвеститори во проектот. Ваквиот пристап во фази е неопходен за да се тестираат сложените обележја на оваа функција и за да може одговорно да се пристапи кон нејзиното покренување за голем број корисници. Благодарение на повратните информации од корисниците и на нашиот тим за поддршка, веќе ги направивме и првите подобрувања.
Сега наша задача е да изготвиме акционерска книга за идните акционери во „Совелмаш“. Затоа е неопходно сите инвеститори да ја потврдат точноста на своите лични податоци, да изберат начин на управување со нивните акции и да поднесат барање за регистрација.
Дури и ако оваа функција сѐ уште не е достапна за Вас, сепак можете да се подготвите за добивање удели во компанијата.
• Комплетирајте ја верификацијата во бек-офисот доколку веќе не сте го сториле тоа.
• Проверете дали личните податоци во Вашиот профил во бек-офисот се точни, и ако има некои промени, верифицирајте се повторно. Ова е важно бидејќи во иднина Вашите акции во компанијата ќе бидат регистрирани со помош на наведените податоци, и затоа сите информации мора да бидат точни.
• Ажурирајте го Вашиот телефонски број и имејл за да може веднаш да Ве контактираме ако се појават некои прашања.
Дали можеби имате прашања во врска со верификацијата? Стапете во контакт со службата за техничка поддршка преку онлајн-четот во бек-офисот. Нашите стручњаци ќе сторат сѐ што можат за да Ви помогнат!